Pagsasalin sa mga Karaniwang Termino sa Heolohiya

Posted on: August 5, 2022 | National Museum of the Philippines

Ngayong #BuwanNgWikangPambansa, ating alamin ang mga lokal na pagsasalin ng ilan sa mga karaniwang termino sa heolohiya. Kung inyong matatandaan, aming ibinahagi sa inyo, na ang salitang DIGNAYAN ang salin sa Filipino ng geology kung kaya’t ito ang pamagat ng serye na aming inilunsad noong nakaraang taon (https://bit.ly/3ACgXtv).

Ang mga salitang aming isinalin ngayon ay mga pangkaraniwang termino na madalas mababasa sa mga libro at artikulong tumatalakay sa dignayan o heolohiya. Para sa aming mga mananaliksik ng #NationalMuseumPH, mainam na maging pamilyar kami sa mga lokal na salin ng mga salitang ito upang maging mas madali ang aming pagsusuri sa iba’t ibang panig ng bansa.

Nakamamanghang malaman na halos isa lang ang salitang ginagagamit sa bansa para sa bato ngunit iba’t iba naman ang para sa bundok. May iba pa ba kayong alam na mga terminong pandignayan? Ibahagi sa amin ang lokal na pagsasalin ng mga terminong ito sa comment section sa ibaba.

Teksto at kaakibat na imahen mula sa Dibisyon ng Dignayan at Palyontolohiya
Kasama ang mga kawani ng Pambansang Museo mula sa Ilocos, Iloilo, Butuan, at Zamboanga