NMP, ASIAN CULTURAL COUNCIL PHILIPPINES, NAGLUNSAD NG PANIBAGONG EKSIBISYON

Inilunsad ng Pambansang Museo ng Pilipinas (NMP) at ng Asian Cultural Council Philippines, katuwang ang DF Art Agency, ang panibagong eksibisyon ni Demi Padua na pinamagatang “𝐋𝐚𝐲𝐞𝐫𝐬 𝐚𝐧𝐝 𝐒𝐡𝐚𝐝𝐨𝐰𝐬.” nitong 12 Agosto.

Tampok dito ang 14 na likhang sining na gumagamit ng 𝒕𝒓𝒐𝒎𝒑𝒆 𝒍’𝒐𝒆𝒊𝒍 technique, kung saan ito ay tila nagiging makatotohanan dahil sa paggamit ng mga ilaw, anino, at optical illusions.

Ang paglulunsad at ribbon-cutting ng eksibisyon ay pinangunahan nina Unang Ginang Liza Araneta Marcos, NMP Board of Trustees Chairman Andoni Aboitiz, NMP Director-General Jeremy Barns, ACC Philippines Foundation Chairman Ernest de Leon Escaler, ACC Global Chairperson Josie Cruz Natori, at Demi Padua.

Bukod sa pagiging selebrasyon ng ika-25 taong anibersaryo ng ACC Philippines Foundation, ang eksibisyong ito ay fundraiser rin para sa ACC Philippines Fellowship Program, na sumusuporta sa mga Pilipinong manlilikha sa pamamagitan ng pagbibigay ng mga oportunidad para sa pag-unlad at pandaigdigang kolaborasyon.

Bukas sa publiko ang 𝐋𝐚𝐲𝐞𝐫𝐬 𝐚𝐧𝐝 𝐒𝐡𝐚𝐝𝐨𝐰𝐬 mula 𝟏𝟑 𝐡𝐚𝐧𝐠𝐠𝐚𝐧𝐠 𝟐𝟔 𝐀𝐠𝐨𝐬𝐭𝐨 𝟐𝟎𝟐𝟓 sa President Sergio Osmeña Hall, 2/F, National Museum of Fine Arts. Bukas ito araw-araw, mula 9:00 ng umaga hanggang 6:00 ng gabi. LIBRE ang pagpasok!

#NationalMuseumPH #LayersandShadows #DemiPadua #AsianCulturalCouncilPhilippines